挑戰傅家俊篤波 方力申只係輸8度?

20170508
東網電視
更多新聞短片
方力申挑戰傅家俊篤波。

藝人方力申為ViuTV節目《約咗傅家俊》錄影,期間即席與傅家俊作桌球比拼,乃游泳健將的小方,透露讀書時期除了練水外,桌球便是他第二樣活動,他謂:「我對上一次打都係半年前,今日好榮幸可以同世界排名第6球手打,大家1998年識,大家一齊去亞運,依家我退役咗10幾年,但佢仍然喺體壇咁活躍。」更指二人至今仍有聯絡,自己也有留意對方近況,獲悉他已婚及有兩名女兒也感高興。

問到可羨慕對方?小方謂:「我羨慕佢,但佢都可能羨慕我呢,不過頭先我挑戰佢,佢讓我60度,我最終都係輸8分,但能夠同佢打到一場已好開心,等同有人可以同我一齊游水都開心,我依家仲係200米背游同400米個人四式香港紀錄保持者㗎!」

人生勝利組

小方更指剛才二人也有訪談時段,一起談及由運動員轉行成演員的苦與樂,當中也有提及緋聞,他謂:「我冇咁多女友,冤枉,依家仲未搵到,所以羨慕傅家俊係人生勝利組,其實我覺得依家啲女仔驚我,因為我上段感情太長,以為我再拍拖就係要結婚,其實都唔係嘅。」