洪永城同張衞健合作:每日都學到嘢
藝人洪永城返電視城為無綫劇集《大帥哥》開工。他表示最近每日開工12-13小時,未算太辛苦:「以前最高紀錄試過3日、每日得3小時休息,焗冬蟲草水提神,相信有熱誠嘅話點都撐得住嘅。今次同張衞健合作,真係每日都學到嘢,冇佢戲份佢都會畀意見。」

談到稍後開始香港及內地外景部份,預計至9月才煞科,他謂:「知道天氣開始好熱,會向拍檔曹永廉請教消暑妙法,佢好有經驗,到時仲會打戲連場,加埋有槍戰,希望操弗啲去拍啦。」對於曹永廉6歲囡囡視蕭正楠為偶像,洪永城搞笑謂:「佢未見過我啫,見過佢會移情別戀嘞。」

當追問唐詩詠表示未有與他慶祝自己生日,小倆口似乎感情生變,洪永城聞言即禮貌表示:「趕住入廠,唔回應嘞。」