挑戰極限尺度 衛詩雅食人肉慘遭輪姦

20170511
東網電視
更多新聞短片
衛詩雅拍戲挑戰底線。

女星衛詩雅在與影帝黃秋生、林家棟合作的英皇電影《失眠》中挑戰分飾兩角,更放低以往清純乖乖女形象,親身上陣拍場多場輪姦和虐打的戲分,更有一場達四級程度的食人肉場面,演出嚇親不少影迷!

分飾兩個極端性格

衛詩雅在戲中飾演備受寵愛的妹妹,以及因眼疾而令性格變得孤僻冷漠的家姐,造型相當驚嚇,她指細妹與以往演過的角色類似而較易上手,反而充滿怨念的家姐可算是新挑戰:「好在有導演同秋生老師喺度,佢哋會不斷推我,希望迫到個以前未見過嘅衛詩雅出嚟;見我就嚟跌,又會扶番我起身。所以成個拍攝係好緊張、但又好安全嘅情況下完成,因為有佢哋兩個喺度。」

演輪姦戲拒用替身

而衛詩雅飾演的家姐在戲中遭家棟報復,慘遭多位日軍輪姦!講到這場戲,詩雅表示:「其實劇組係有安排到替身畀我,不過我想親自上陣,幫助自己更快進入個情緒,最後導演都同意畀我去試。」家棟則說:「其實今次我係第一次同衛詩雅合作,而第一日開工,就係同佢拍呢場強暴戲!當時自己都有啲驚,因為大家知道佢又瘦又輕,偏偏導演唔想就鏡頭,想一take過展現出嗰種殘忍同爆炸力!」詩雅表現專業,獲得導演邱禮濤肯定:「其實佢冇必要自己去做,特別係畀日軍輪姦嗰場戲,因為全程係笠住麻布袋,見唔到個樣嘅。所以一般觀眾好易就會覺得佢係用緊替身,無論佢做得幾好,觀眾都唔會有credit畀番佢。你試諗吓,成班三唔識七、唔着褲嘅麻甩佬,逐個逐個爬上你身『un』,我諗對任何女演員嚟講,都係一件好難受嘅事!」

拍亂葬崗戲嚇到呆咗

而另一場亂葬崗戲分,亦令詩雅印象深刻,要從近百屍體中尋找親人遺體,衛詩雅表示:「導演話想要有真實感,於是搵咗100位臨時演員,用人叠人嘅方式模仿番當時嘅慘況。」衛詩雅在拍攝時需要踩在演員們身上,再加上月黑風高,現場氣氛非常肅殺:「現場好黑,仲要踩傷佢哋,所以我要特別揀啲男人嚟踩!後尾我睇番啲相同片段,發覺自己未埋位已經嚇到呆咗唔識反應,不過隔籬位小演員好似唔識驚咁,全程玩得好開心!」