靚靚仔仔變身大哥哥　照顧患腎病小朋友

藝人袁詠儀（靚靚）於銅鑼灣出席慈善活動，她在台上提到若仔仔有願望想達成會盡量滿足，又指早前曾帶一位患有急性腎病的內地小童到主題樂園玩，仔仔笑指她：「媽咪你唔識同小朋友玩㗎，帶埋我去啦。」靚靚喜見仔仔的確變身成大哥哥，陪小朋友吃自助餐又照顧對方。

受訪時，靚靚表示教仔仔做善事十分有用，亦覺得十分感動，亦指仔仔有問她為何不帶他前來現場，她笑謂因有記者在場故不方便，她透露仔仔會不時主動問起該小朋友的情況，主動要到醫院探望。

盡量滿足仔仔願望

靚靚謂會盡量滿足仔仔的願望，至於可有願望是她未能達到？她說：「有，佢想見國際巨星，例如羅拔唐尼，咁我咪話我哋工作範疇唔一樣，佢又問我識唔識成龍，佢想見！」更笑指仔仔最近想見球星美斯，C朗等人，又想在暑假到巴塞隆那玩。

靚靚又指仔仔想在生日時請同學到家中開生日會，她說：「佢哋嚟到就踢波，我就似保安咁企喺度，佢叫我不如返入房！」

至於仔仔可想要入行？靚靚謂：「好彩冇，佢問我點解行紅地氈唔帶埋佢去，咁我就話唔係個個都可以行。（唔畀佢行？）邊有得唔畀，我媽媽唔畀我入我都入咗啦，不過佢就冇話要入，同埋要畀佢知入娛圈唔係咁易。」

翻煲李敏鎬韓劇

談到靚靚偶像韓星李敏鎬入伍當兵，她笑謂：「冇辦法啦，我會等佢㗎！（翻煲佢啲劇？）佢入唔入伍我都翻煲，入伍係責任嚟嘅！」