仔仔擺足3日酒？薛家燕猶豫請唔請前夫

藝人薛家燕早前雖已公開表示仔仔求婚成功，但她在電台錄音訪問中，重提兒子的婚事亦喜形於色，認為這是今年一份稱心的母親節禮物。家燕姐計劃明年為兒設喜宴，又適逢自己入行60年，故現正花心思羅列宴請名單，她笑說：「好多圈內圈外好友，宴會可能要擺足三日才夠。」主持車淑梅姐問及屆時會否請前夫石保慶出席時？家燕姐透露自己正慎重考慮︰「我知道仔仔通知咗佢爸爸，珊珊（長女）亦提醒細佬要畀爸爸知。我都係度諗係咪要請佢嚟婚宴，如果佢嚟到會唔會覺得尷尬，或者可能佢本人亦都未必想過會出現。我唔希望影響呢件開心事，因為唔知道會有咩事發生……」她續指會看仔仔的意願，若他希望爸爸出席，自己亦不能反對。

否認愛女同王梓軒拍拖

兒子即將結婚，家燕姐坦言希望長女珊珊不要肩負太多工作，應給自己留點時間，多結交男性朋友。至於問到女兒和王梓軒是否情侶？家燕姐一口否定︰「佢哋只係經理人同藝人嘅關係，梓軒好有才華、亦係好仔，但佢哋確實唔係嗰回事，大家亦唔好太多聯想。」

仲未有第二春

車淑梅不忘追問家燕姐的感情生活，她指近年將心機和時間投放到藝術中心，雖然子女都很想她有第二春，因他們怕冷落了媽媽，然而她謂現在身邊的都是朋友。回想當年婚姻出現問題、丈夫失蹤三年，當年的家燕姐只有90磅、滿面黑斑，每天都過得不開心，又不想讓人知道自己被丈夫拋棄，故每次出席飲宴時都要仔女「夾口供」，說爸爸到外出差。有一次與子女在家晚飯時，整盞燈跌到飯桌上，她當時感到上天要逼她上絕路，更想到了輕生，正當一腳伸出25樓的露台時，幸好子女及時將她叫回來。