【自認專一…】Jase拍拖冇耐就搵第二個
組合C AllStar的四子近日獨立推出單曲,以爭奪10月紅館演唱會的Solo演出機會,他們日前到電台受訪時,講到成員Jase一向寡言,現在要多說話做宣傳,會否覺得很慘?他說:「唔係好慘,我依舊唔係好講。佢哋3個都有MV,我嗰個唔係好算,都唔知自己癡咗邊條筋,明明有舊錢可以拍,我就畀錢樂手、場地、導演,拍咗場private live section,喺度唱歌。」Jase坦言不知是否決定正確,但覺得好好玩,5月13日樂迷投票誰可於紅館Solo前會再做最少兩場小型騷。Jase形容新歌《Take Your Time》的音樂性比較高,意思是可以為所愛的人等候多年,希望對方多了解他,並慢慢選喜歡的人:「我係情聖嚟㗎,黃偉文寫嘅詞好透澈,我鍾意一樣嘢好有耐性鑽研好耐,例如R&B,專一得嚟好肯花時間,無限付出。(對女人都係?)我都試過,我成日以為自己可以擺好耐時間,但我諗我未夠愛佢,幾年之後就同咗第二個一齊。」

而King認為新歌《出場序》的名字已代表其內容,他請了楊埕擔任MV女主角,剛巧對方在情感上出現問題,拍攝時特別有感覺:「佢話首歌好似講佢自己咁。(有冇安慰佢?)有,等佢好舒服咁拍,有個釋懷嘅感覺,佢喺入面話喊就喊。」看見女生喊可會不知所措?King直言不會:「佢唔係為我喊吖嘛,我點解要不知所措?見佢咁有共鳴,我都覺得揀啱故事,好多人都有咁嘅經歷,想同嗰個人一齊但同唔到。」他指拍攝時間很趕迫,但效果令他很滿意。