名人：仔女秘密儲錢送花　蔡加敏冧爆

玩具大王蔡志明女兒蔡加敏（Carman）出席自己集團旗下舉辦的2017全港小模特Catwalk大賽&全港兒童3D立體藝術創新大賽頒獎典禮，表示父母亦會成坐上客，稍後時間會一同吃飯慶祝母親節。問到仔女有否送母親節禮物，她說：「有寫卡同送一大盆花畀我。（知你鐘意花？）係呀，佢仲好秘密咁用平時儲開嘅零用錢話買啲嘢，然後今朝送咗畀我。」

談到該活動，她表示：「有超過40位小朋友model行Catwalk，另外有5、60件3D立體作品，我哋抽起9份，而主題亦以母親節為主題。」她透露自己小朋友亦有玩3D藝術創作：「佢哋細細個已經有玩。（有冇參加？）唔參加得呀，但佢都鐘意畫畫，畫盆花咁。（有藝術天份？）有呀，成日喺屋企畫畫，話畫食物就見得多唔為食，都有畫一家人出嚟。同埋佢哋一陣都會行Catwalk同表演。」