黃愷傑同女友處於冷靜期：少咗時間相處

藝人黃錦燊與趙雅芝的孻仔黃愷傑，近日被指與拍拖多年的圈外女友Denise分手，他接受《東網》電話訪問，否認手已分，他說：「我哋未分手，依家處於冷靜期，原因係我經常要去外地工作。（女友嬲你冇時間陪佢？）唔係，就算屋企人少咗時間相處都會影響咗溝通。（女友會同你同趙雅芝慶祝母親節？）以往有時間都會一齊慶祝，但今年佢同屋企人慶祝。」