明讚暗寸張衞健?許志安:唔識寫符碌嘛

20170515
東網電視
更多新聞短片
許志安話張衞健(中)球技有啲神來之筆,因為唔識寫「符碌」…

歌手許志安與香港桌球手傅家俊(Marco)到觀塘拍攝ViuTV節目《約咗傅家俊》,Marco大讚安仔球技不俗,Marco說:「我哋識咗廿幾年,佢一向都打得好好,頭先一cue打咗28度,算好好。(你平時一cue打幾多度?)百幾!」

安仔則爆Marco當年好幫手,他說:「記得Marco當年幫我喺外國訂咗支cue棍,支cue棍依家已經絕版,以前試過有次叫張衞健幫我帶支cue棍,點知佢唔見咗,我好心急,打去啲桌球室周圍問,有冇人發現有人漏低cue棍,點知都係冇,好失望!後尾張衞健話支cue棍原來擺咗喺佢架車,佢唔為意,自此我珍而重之收好佢,今日都冇帶嚟,因為反正我用乜嘢cue棍,啲波都係一樣。」

Marco補充:「支cue棍依家大約升值到過萬元,算係名貴,因為一般嚟講,2、3千蚊已經可以有一支好好、好靚嘅cue棍。」

安仔又應邀點評演藝圈中桌球波友球技,他說:「張衞健係有啲神來之筆嘅!(即係佢好『符碌』?)咁我唔識寫『符碌』嘛,咪話佢神來之筆囉!蘇志威就實而不華,我自評我喺圈中排名係第16啩,因為都唔知有冇16個人打桌球!其實我有諗過組織一個明星桌球隊,但好似唔係太多人打,所以算。(你哋有冇賭波?)以前輸咗嘅,就畀桌球室錢,後尾我覺得唔着數,都係逐舖計好啲。」