唐詩詠洪永城正式宣布分手
拍拖兩年多嘅藝人唐詩詠同洪永城一直未有公開回應分手一事,今日終於喺網上正式宣布分手。洪永城喺Instagram表示兩人係和平分手,係有共識之下做嘅決定,唔關結婚事同絕對唔係有第三者存在而分手,佢仲話分手唔容易,希望大家畀空間佢哋。

而同一時間,詩詠都喺社交網貼咗張獨對夕陽嘅照片,宣布同洪永城分手。佢留言:「要開始一段感情很難,要放底(低)一段感情更難 ,尤其是當兩個人都互相認真相愛過。」佢又話兩年嚟感情唔長又唔短,經歷過高低起跌,佢話:「在這段期間,我們都更認識對方,了解自己。可是在經過深思熟慮後,我們認為對待這段感情的最好方法,是變回好朋友... 很感激我們的關係在這段期間得到很多外界的祝福,感情是兩個人的事,很難一一解釋我們的問題所在。」佢又話希望大家尊重呢個決定,畀空間佢哋處理呢個艱難時刻。

最後,佢哋兩個都喺文尾講咗同一句說話……

洪永城:「感謝你兩年多來,曾經為我帶來過美好的時光!」
唐詩詠:「最後感謝你 曾經為我帶來過美好的時光!」