衝出香港！陳山聰拍內地網劇做皇帝

無綫藝員陳山聰近日返內地拍攝網劇《仙醫神廚》，劇集屬於穿越劇，之前的同名網絡電影甚受歡迎，不足一星期已突破800萬點擊率，今次再度改編獲得高度重視，山聰獲電影公司老闆高橋睇中，在劇中飾演雍正，而劇集有份參演的香港演員還有湯鎮業。

山聰表示這次是他第一次正式返內地拍劇，跟內地劇組合作得非常順利及開心，他說：「老闆有睇我演《萬凰之王》，好鍾意我演清裝。佢好有誠意咁邀請我飾演四阿哥雍正嘅角色，大家合作得好開心，劇組好照顧我，唔算辛苦，十幾日就會拍晒！老闆本身好忙但都專誠嚟睇我拍一場戲先走！（你角色係點？）故事係講有一個廚師穿越咗去古代，幫助我登基做皇帝，老闆好愛錫我，劇份好重，我今次係第二男主角，又由忠演到變奸，雖然得十集，但幾好玩！」