學嘢喇！王君馨爆老公扮食客把女大法

藝人王君馨（Grace）於尖沙咀出席餅家活動，身穿紅色露背晚裝的Grace坐住大紅花轎登場，其後又大晒特意設計的Q版餅卡，幸福滿瀉！將於七月十一日於香港舉行婚禮的Grace自爆對老公Daniel一見鍾情，更分享二人浪漫的相識經過：「佢好靚仔，我對佢一見鍾情，因為佢眼神散發善良嘅感覺。12年前我喺紐約一間餐廳做侍應，Daniel係客人，佢之後去望我嘅返工表，然後每日都來坐，喺度扮才子讀書，佢畀我嘅貼士又特別多。佢同番我講當時好緊張，我諗番起我哋第一次見面都覺得好sweet！」她又透露即將到紐約為友人擔任姊妹，故計劃屆時會否到二人定情的餐廳拍婚照。

老公唔畀婚紗太性感

談到婚紗，Grace表示專程搵人設計，但所用的布料要從巴黎運來，故製作需時。她笑言老公希望其嫁衣不要太性感：「小小性感啦！（老公畀你性感？）他話唔好太性感，不過總之靚，唔希望到時大家只係望身材，都可望番我哋個樣。」Grace直言老公Daniel怕醜，一笑就會面露尷尬，故要對方練習chok樣去應付婚照拍攝。

韓國畫家設計餅卡

Grace笑言找來韓國畫家設計自己與老公的Q版公仔印於餅卡上，上面更印有「GD」字眼，一來代表夫婦二人的英文名字簡寫，二來代表自己喜歡韓星G-Dragon。Grace透露打算「520」附近日子進行過大禮，又言希望結婚當日會做齊傳統儀式，例如向長輩斟茶。問她是否得到不少婚禮贊助？Grace笑說：「好多人支持同祝福我，但都要問老公是否ok。佢本身想婚禮好西式，但我係中國人想跟習俗同傳統，雖然佢對呢啲『零明白』，但有一句話係happy Wife， happy life。只要老婆開心，老公嘅生活都會好好。」她談到首次試穿裙褂及紅色睡衣時正拍攝《城寨英雄》，令她有陰影而不敢試穿：「劇中花曼嫁畀牙佬前一晚就全家byebye，令我有陰影，覺得唔好意頭，到時可能考慮着西式睡衣。」