自封山的女兒　吳速玲懸崖邊做瑜伽

馬來西亞歌手曹格同老婆吳速玲，婚後育有一對得意仔女Joe同Grace，引起唔少網民關注。其實吳速玲都係焦點之一，皆因身為人母嘅佢身材依然弗爆，加埋一副靚樣，真係無得頂！呢日，吳速玲為keep Fit去行山，仲瘋狂影相並擺上網。

相中所見，着小背心嘅吳速玲露出一對纖幼手臂，兼且大晒長腿，相當吸睛！藝高人膽大嘅佢仲坐喺山頂嘅石壆上影相，又即興玩瑜伽，睇落勁牙煙，網友都叫佢小心啲。吳速玲留言：「熱情的山友幫我拍的照片集！剛開始還叫我做瑜珈(伽)動作，我還哈哈大笑。謝謝山友拍的充滿自然山息的照片～感謝你！ #我是山的女兒」