劉敬雯為追夢 任性同加拿大男友分手

20170521
東網電視
更多新聞短片
緣來緣去。

歌手劉敬雯(Lydia)由小學五年級開始到加拿大多倫多讀書,完成大學後於當地工作。至於為何年紀這麼小就遠赴外地?Lydia指是家人決定移民:「其實我都唔知點解,問番媽咪啦,香港都幾好呀!但係到自己讀大學,屋企人又突然好掛住香港嘅生活,所以決定留低我喺多倫多。」她坦言那時很掛念家人,又覺得自己做女兒的角色不夠好:「覺得同佢哋嘅距離好疏遠,但又好少打去講聲我愛你。」

之後Lydia一天打兩份工,早上在銀行,晚上在餐廳,結果捱病了,要住院一星期:「當我一好番就即刻跳舞,將手上插住條喉扭到鬢辮咁。呢一幕講咗畀《狂舞派》導演黃修平聽,其實電影入面阿花話自己入咗醫院都仲跳緊舞嗰個係我!」為免家人擔心,她並沒有通知家人,對此感到抱歉:「佢哋可以做咩?唔通即刻飛過嚟咩。雖然我當時情況好差,但我覺得自己會冇事,我條命都幾硬,我點都要為咗屋企人而冇事。」病後她決定回港,亦與當時的男友分手,她認為是緣分的結束:「永遠講追求夢想,對某啲人嚟講都係一種任性,而我當時對愛情都做咗個任性嘅選擇。」