望亞視重組成功　葉家寶另覓新發展

藝人鄧上文、黎明前經理人陳善之及葉家寶等到觀塘出席《i-Sing我星我唱2017》香港新聞發布會，有份擔任香港賽區評審的陳善之與葉家寶齊齊受訪，提到評審準則，陳善之坦言聲色藝十分重要，比賽將於6月開始海選，8月中到香港及內地，8月尾就在內地總選。葉家寶說：「香港好耐冇一個國際性嘅歌唱比賽，呢個比賽已經13年歷史，今次第一次喺內地、香港同澳門有賽區。」陳善之笑言20多年前做過評審，而葉家寶則是30多年前做過評審，他謂：「《未來偶像爭霸戰》，張立基攞獎嗰屆，1985年，跟住田蕊妮嗰屆都係我哋做，蔡國威係最後嗰屆。依家完全唔一樣啦，要喺聲色藝各方面都得。」

望作新嘗試

提到亞視繼續重組中，葉家寶稱從新聞看到法庭已頒令一些報告指可以重組：「我哋祝願早日重組成功，香港觀眾又可以多啲眼福。」問到會否回亞視？陳善之即搶答：「唔畀佢返去，要做多啲唔同嘅嘢。唔係話辛唔辛苦，人都要向前睇，既然嗰個階段佢能夠發揮嘅嘢都已經發揮晒，仲要變成灰燼，重組都應該去啲新嘢啦嘛。」葉家寶亦認同要多作新的嘗試，陳善之笑言當年知道對方要入亞視已祝他好運。至於問到陳善之有否打算捧新的黎明？他說：「睇吓啦，所有嘢都冇得取代，希望搵啲唔同嘅嘢。」