照顧三子忙到甩轆！鄧上文望領養女兒

藝人鄧上文（Shermon）與爸爸鄧英敏到觀塘出席《i-Sing我星我唱2017》香港新聞發布會，擔任司儀的Shermon表示這是她誕下第三名兒子後第二次工作，說到會否想追生B女？她直言：「講就易！我諗就唔會。如果真係想要多一個小朋友，都可能係領養，唔會自己生，我諗我個Body已經夠啦！」但她仍未決定是否領養女兒，不過與老公已有共識，認為能夠領養小朋友是好事，不過要先照顧好三名兒子。談及收身成功，Shermon認為還差少少：「我餵緊人奶，都唔可以減太多。」

Shermon老公這天在家幫手照顧三名小孩，她指老公沒問題，並且很享受：「吃力但開心嘅，佢哋都好乖。（運動量多？）係呀！所以我都減到少少肥，一個3歲、一個5歲，不停跑。」

至於會否再接工作，她認為隨緣：「我唔會Say no，但又唔會真係去搵。如果有適合，又可以同我先生配合到時間就做。」她與老公有共識盡量不依賴工人姐姐照顧小朋友，只是請對方做家務：「依家我做司儀就OK，之前有人問我拍唔拍劇，我諗我暫時離開唔到小朋友。（同TVB冇約？）冇！生第一個已經停咗。拍劇太困身，細仔又咁細，依家唔會諗，最少幾年後，可能到時又有其他嘢忙。」