歐陽巧瑩戀情穩固：林師傑行蹤我掌握

藝人歐陽巧瑩（Tammy）及陳自瑤到馬鞍山出席明珠台「CODE BLACK 黑色警報」宣傳，在示範急救期間，陳自瑤瞓低再起身，不慎露出阿婆底，而以低胸衫亮相的Tammy則露出心口膠紙。

Tammy之前曾笑言可以主動向男友林師傑求婚，問好事近？她說：「其實我好信風水命理，師傅話我30歲前唔好結婚，我依家25歲，所以大家有共識，過多幾年先。（30歲前可以訂婚？）嚟緊我會去美國，佢都會去，都有人問我係唔係去搞手續，但唔會啦，呢幾年會努力工作，其實我同林師傑雖然未結婚，但關係比起好多結咗婚嘅人更加穩定。」

唔信男友同譚嘉儀食宵夜

對於林師傑被指與「巨聲幫」譚嘉儀到西貢食宵夜，Tammy說：「其實我高嘉儀成個頭，可能我戴咗帽，所以大家認錯咗，或者遲啲我再曬黑啲，等大家易認啲。（好有信心林師傑唔係同個似譚嘉儀嘅女仔食宵夜？）嗰個係我嚟嘅呢！我百分百相信佢，基本上佢行蹤我掌握晒，佢話去錄歌，真係有demo畀我聽番，而且佢並唔係外面所講咁樣，佢其實好定性。」

-------------------

東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/

如仍未更新東網App，請按此連結收睇360影片： https://goo.gl/dJBNGs