康城：伊蓮娜產後強勢回歸衝擊《光》首映

《第70屆康城電影節》今晨有「主競賽單元」電影《光》進行首映，導演河瀬直美率領男星永瀬正敏與女星水崎綾女等優雅撐場，不過就被不速之客搶晒「峰頭」，講緊嘅就係兩個月前為影星畢利谷巴（Bradley Cooper）生B的31歲名模伊蓮娜（Irina Shayk），佢以一身養眼黃色Deep V連身裙上陣，晒盡心口半球之外，仲有高釵設計大晒長腿，一身曲線任睇唔嬲，堅係完全唔似已為人母，兩個月就收身收出魔鬼身材，難怪佢於紅地氈狂Chok甫留影，風騷到盡！

雖然紅地氈風頭被搶，不過電影仍以實力威返轉頭，據悉電影播映後，全場站立拍掌，令導演與眾星都感動到眼濕濕！