羅仲謙現身抽新盤　老婆楊怡祝好運

近排樓市不明朗，不過藝人羅仲謙與太太楊怡都大無畏諗住入貨，之前已經頻頻睇樓，可惜都未有合心水。

荃灣海之戀第一期今日開售，現場排晒長龍，人山人海，而戴了口罩及眼鏡的羅仲謙亦於現場，並接受東網記者訪問，他坦言看到現場人頭湧湧，自己買到都機會不大，問會否等第二輪抽籤，他又謂：「睇到自己心水畀人買咗，都會等下次，仲有其他座數都未出。」他又坦言買樓可保值，自己的心水單位是兩房以上的單位，今次純粹是投資心態，並非打算自住。

而羅仲謙太太楊怡接受東網訪問時表示：「邊區都冇所謂，都係投資咋，我今日冇去，因為有工作在身，聽講情況好受歡迎，我唔知佢依家情況如何呀！希望佢好運啦！」