冇不和!黎美言恨開Hotcha十周年騷

20170527
東網電視
更多新聞短片
唔知幾時成事呢?
歌手黎美言(Winkie)以活動大使身份出席活動,表示近日忙於教拳,Winkie說:「上年開始教泰拳,Marie(諸葛紫岐)好好,好少老闆咁支持自己藝人搞生意。(佢有冇份投資?)投資就冇,但今年會出歌同電影。(咁教拳收入幾好?)非常好,其實幕前相對唔穩定,要等待,呢排都有打戲搵我拍,但要公司安排吓,要傾。」
此外Winkie透露有投資者支持開Hotcha十周年演唱會,又解畫不和傳言:「其實我哋3個一直都冇不和,仲好想3個一齊開Show,有晒共識,同埋直到出年4月4號都算十周年,跟住Crystal同Regen又會過嚟搵我打拳,我Sponsor佢哋,所以我哋冇唔好過。另外開演唱會要多謝好多伯樂幫我哋3個,大家都掛住對方,同時喺呢段時間經歷咗好多,希望到時唔會喊到隻豬咁哈哈。」