名人：細女太豪放？王敏德話要畀壓力佢

藝人王敏德（Michael）出席跳舞學校開幕活動，透露下月初將為邵氏網劇《飛虎極戰》開工，現時正積極修身，被要求重點減肚腩，問到可會像當年於電影演教官時那麼弗？Michael笑謂：「我覺得ok呀！差少少啦！都開心嘅（戲服好厚？）係會比之前重，因為係用真正飛虎制服，成25磅重。」

對於細女王麗嘉早前於網上晒性感照惹來他不滿，結果於網上留言給女兒，Michael謂：「我問佢使喎使咁，佢就覺得我太serious，好似逼佢咁，其實我唔係介意，係覺得唔需要，但作為爸爸係需要畀少少壓力佢，大女就笑我。」更指有為此事傳短訊給細女：「佢波士頓放假飛去加州，當地style咁樣係好正常。（係咪畀得太多自由細女？ ） OK！我可以接受。（擔心阿女咁性會有男仔黐埋去？）唔擔心，佢識處理自己social media！」