危企天台合照　張赫南奎麗襲港拍節目

韓國女星南奎麗今日於Instagram上傳與男星張赫及諧星柳談的在香港的合照，照片中三人在高樓的天台上拍照，張赫更企上欄杆邊，十分危險。

與張赫屬同門藝人的南奎麗表現他們三人正等待香港的夜景，其中一張相南奎麗更拍下大批工作人員。而張赫亦於昨日在Instagram表示自己在香港，更與柳談一起去到中環的點心店開餐，原來他們今次訪港是進行飲食節目拍攝。張赫三人在貴賓房內拍攝，戴着闊邊帽的張赫，不時做出豎起手指公的動作，一面得戚的樣子，拍攝期間張赫的粉絲亦聞風而至在店外守候，難怪張赫如此風騷，昨日點心店老闆名媛陳君宜亦在店內招呼他們，她說：「上星期我同個導演見面，對方好鍾意得意點心，又可能我又靚女啦，哈哈，所以揀咗嚟呢度拍攝。佢哋見到用emoji做嘅點心好鍾意，試食時都好開心呀！（鍾唔鍾意張赫？）有睇佢同全智賢拍嗰齣電影《野蠻師姐》，都幾靚仔。（同老公鄭躬明比邊個靚仔啲？）梗係我老公靚仔啦，哈哈，無得比。」她說老公要湊仔所以沒有在場，不過鄭生聽到實開心。

此外，張赫近日客串好友車太鉉有份執導的韓劇《最佳一家人》，公開的劇照中，車太鉉手持劇本向張赫解釋要拍攝的戲份，穿上西服的張赫亦十分認真地聆聽。據悉拍攝當日氣氛十分好，張赫及車太鉉展現了他們的超強默契。新劇將於6月2日首播，而張赫的戲份將於第二拍播出。