【獨家】譚嘉儀王浩信合唱《陪着你走》

星夢娛樂歌手譚嘉儀（Kayee）主唱的電視劇《不懂撒嬌的女人》插曲《陪着你走》，一推出就成為兩大音樂平台的冠軍歌。雖然劇集已曲終人散，但劇中王浩信和唐詩詠的一段情仍令觀眾津津樂道，故星夢娛樂將出《陪着你走》新版，由Kayee和劇中的「Saving哥」王浩信合唱《陪》，且罕有地派歌上電台。

「Saving」Fans

Kayee接受訪問時坦言是「Saving」Fans：「個劇我集集都有睇，佢同唐詩詠嗰場唔好一齊嘅戲，我都睇到眼濕濕，作為觀眾我梗係想佢哋一齊啦，可以有Happy Ending。（想睇續集？）想呀，我想參演一角。（做第三者？）唔係，做佢哋嘅首歌嘅歌手角色。」

可惜分開錄

雖然Kayee尚未有機會跟「Saving」做手戲，但她就想跟Saving王浩信合作，所以自動跟唱片公司提議和王浩信合唱，結果一拍即合，她嘆可惜是：「可能王浩信好忙，我哋係分開錄音嘅。」Kayee又指因《陪着你走》有少歌手翻唱過，故得知唱再唱《陪》時，壓力很大，多得編製着她放鬆心情錄音。

入錄音室有壓力

王浩信接受訪問時稱亦有興趣唱歌，會否做歌手視乎公司安排，又說：「知道要正式入錄音室錄呢個歌都好大壓力，因為好多人唱過，有呢首歌嘅出現係為咗唱畀唐詩詠聽嘅。」王浩信稱是歌手出身，多年來也愛唱歌，故近幾年還繼續練歌及學跳舞，又指自己的代表作是多合唱歌，如曾跟方晧玟合唱《拖字闕》及和梁晴晴合唱的《愛與被愛》。