處男下海！曲赤同阿Bob拍戲要忍笑嗌辛苦

Rapper曲赤（K-CHEK）早前首次參與網絡電影拍攝，與搞笑之人林盛斌（Bob）、李逸朗及趙永洪合作，K-CHEK坦言大開眼界：「今次飾演陳達仁嘅手下，多數戲份都係凶人，雖然出鏡唔算多，但始終係一次好好嘅經驗，而且又可以向有份做製作嘅程芷渝取經。因為我都準備籌備開拍一套以愛情喜劇為題嘅網絡電影，今次寓演出於偷師，獲益良多！」K-CHEK又大讚阿Bob及幾位前輩：「佢哋嘅喜劇感好豐富，拍攝現場不時傳出笑聲，我要一邊忍笑，一邊記住要做嘅戲同對白，都忍得好辛苦！」