女友係頭號粉絲！袁文傑出街被喪叫游生

藝人袁文傑接受電台訪問，提到劇集《不懂撒嬌的女人》大獲好評，觀眾不時以角色名游生來叫他，他坦言感覺幾好：「某程度上代表對套戲認同。依家有人問『游生，可唔可以同你影張相』，或者我行過會聽到後面有人話『游生呀』。」他指本身已預計劇集會受歡迎，但沒想過自己的角色都會。提到上年簽無線，他形容是個突然的機會：「呢行大家都係兜圈，有啲喺舊公司合作過嘅同事依家喺TVB，佢哋覺得有需要簽一啲人就諗起我。」他認為自己像重返娘家，因為90年代曾入讀無線藝員訓練班，感覺幾圓滿。袁文傑覺得堅持於這行很重要，亦聽過張艾嘉在頒獎禮上這樣說。

至於早年曾做過小生意，他自言不太成功，之後做網上足球節目：「係個人興趣，作為自娛，亦都打動到一啲球迷追隨。」說到早前被傳媒追蹤與女友張潔蓮拍拖，他自言是貼地的普通市民，覺得沒甚麼要避忌，又指女友是自己的頭號粉絲，很投入看《不》劇，對自己甚麼演出都讚好。現在他正通宵達旦拍攝《宮心計2之深宮計》，所飾演的反派角色將於劇集後段出現，會撥弄羅琳和張慧儀的感情和多行不義。