有份投資餐廳結業　陳國峰：行過先知

有讀者向東網爆料指由吳業坤、陳國峰以及TVB監製謝英偉等合資的西環巨二麵堂突然結業，當中涉與圈外股東間的糾紛，而記者走訪店址發現已轉為泰國菜館。東網向謝英偉作查詢，他否認股東間出現糾紛，並指餐廳因拉麵熱潮已過，收入只夠租金與薪金等支出，現階段正值轉型：「同內部傾緊。（泰國菜館仲係你哋生意？）要尊重大股東決定。（已經轉埋門面，仲要再傾咩？）過幾日開會再有決定。」

而陳國峰對於餐廳結業亦透露不知情：「自己都係行過見到拉咗閘，係投資咗六位數，但唔係全權去處理，我相信KENT（謝英偉），都交晒畀佢處理。（佢有交代？）可能股東嘅問題，最近都忙住照顧太太。（係咪頂咗手？）好似話係做泰國菜，唔知吳業坤知唔知咩事？」另外，同樣由三人投資的佐敦巨一麵堂則照常營業。