B女遭辱罵　吳若希反擊：同你死過！

剛誕下B成為人母的歌手吳若希，在社交網站上載一名網友留言辱罵她及男友Alex，就連其B女都不放過，用字具侮辱性！面對自己及家人被網民惡意攻擊，大批網民及粉絲為吳若希抱不平，而吳若希留言反擊，她寫道：「一個普通人，可能未必明白點解我咁需要保護我個女唔想子女係公眾面前爆（曝）光但當你係一個公眾人物，而你會無啦啦係（喺）傳媒同網上世界被人攻擊話你係雞話你釣金龜而你明知你反抗都無補於事時，你會更加知道，如何去保護我身邊的人。我個女，呢一世都係我個女，我無得揀，我個女都無得揀，作爲媽媽永遠希望俾（畀）最好的俾（畀）自己既（嘅）子女，我唔想佢係（喺）成長過程中因為媽咪既（嘅）身份而被一班鍵盤戰士攻擊。而我現在只是以一個媽媽的角色去保護我的女兒，我諗無（冇）一個媽媽會唔認同。」

之後吳若希續說如果有人傷害其女兒，會「同你死過」！她寫道：「其實我從來都係烈果（嗰）type，只係有時選擇由得佢！但係我話你知，如果有人傷害我個女～ 我真係會同你死過～～理得你乜嘢公眾人物～ 我做人阿媽連個女都保護唔到～ 我不如唔好生？！」

Alex霸氣護妻女

媽媽出完場，輪到爸爸Alex出場喇！佢留言話就算個女大個變咗咩樣都好，喺佢心目中都係咁完美，但可能佢護女心切啦，將perfect打咗做prefect。佢撐完囡囡，再撐「老婆仔」，佢話：「我老婆有幾任性，公主病。講粗口又點？咁又點我鐘（鍾）意呀！我愛呀！」夠晒霸氣！