「瑜」樂無窮!陳俞希劉秉賓玩女上男下

20170602
東網電視
更多新聞短片
陳俞希同劉秉賓呢次就一齊挑戰雙人瑜伽!

ViuTV主持陳俞希(Hailey)與劉秉賓(Match),雖然閒時都有做運動,但兩人一試近年頗受靚仔靚女歡迎的雙人瑜伽即被考起,Match甚至連一個看似簡單的深蹲動作也做不到,幸好經導師Faye悉心指導下,成功重拾自信與個人魅力!

Hailey與Match雖對瑜伽並不陌生,但要完成雙人瑜伽動作仍有一定難度,Hailey說:「我冇正式上過瑜伽堂,只係試過去泰國旅行上過一個鐘頭瑜伽班,同埋喺屋企上網睇片跟住做,但頭先喺阿Faye導師指導下,喺Match背脊上做類似掌上壓動作,雖然有一定難度,但感覺幾好玩喎!挑戰到難度動作,成功感都好大,我會向呢方面努力!不過Match連背對背踎低都做唔到,我真係估唔到,可能佢平時少去踎廁!」

Match對自己手手腳腳有如火柴般「直不甩」也感不解,他說:「我都唔知點解做唔到背對背向下踎嘅動作,睇相以為好易,我平時有做開gym,都有運動細胞,我以前仲返過一堂瑜伽,但被導師話我啲筋硬,好打擊!今次阿Faye導師就令我增加唔少自信,我會考慮再學番瑜伽!」

導師阿Faye品評兩位瑜伽初哥,她說:「Match有做開gym,力量幾好,但就有少少寒背,令佢拉唔直個背脊,所以佢做唔到垂宜落嗰個動作,佢可以挨住牆,練番大髀同臀部嘅力,其實如果佢筋有事,應該做多啲瑜伽!至於Hailey,佢本身瘦,做瑜伽可以令佢身形再靚啲!」

鳴謝:香港瑜伽協會及Dickson Yoga
導師:Faye Cheung
服裝:Puma(陳俞希)