嫁埋苟芸慧　「處女黨」全部有着落

李亞男、鍾嘉欣、岑麗香、王君馨同苟芸慧等多位女藝人，因宗教信仰相同，組成咗一個「Amazing Esther」嘅組合，喺圈中被稱為「處女黨」。李亞男、鍾嘉欣、岑麗香紛紛先後晉升為人妻，而王君馨亦等待出嫁，就連盛女苟芸慧亦已傳出好消息，認真可喜可賀。

李亞男

2015年2月下嫁王祖藍，係「處女黨」中最快成為人妻嘅成員。雖然仍未有小朋友，不過同祖藍結婚兩年幾，依然十分恩愛，更不時大放閃光彈，認真葡萄。

鍾嘉欣

2016年2月下嫁任職脊醫嘅Jeremy Leung，同年8月更誕下女兒Kelly。嘉欣婚後大多留在溫哥華照顧囡囡，但不時都會回港出席活動。

岑麗香

2016年12月下嫁圈外男友強強（Joshua），婚後依然熱衷於工作，雖然老公不時都要到外地公幹，但二人依然十分恩愛。

王君馨

2016年11月已經同拍拖11年嘅圈外男友Daniel註冊結婚，將於本年7月舉行婚禮。早前更同老公去咗歐洲影婚照，一圓夢想。

苟芸慧

苟芸慧（苟姑娘）同男朋友陸漢洋愈愛愈高調，繼早前高調隔空示愛，近日更指陸漢洋將媽媽留下嘅家傳之寶套上苟姑娘手上，似乎婚期有望。