得個靚樣？Baby產後復工被嘲一孕傻三年

今年先28歲嘅Angelababy（楊穎）年初為老公黃曉明生咗仔仔小海綿，生完BB後Baby極速復工，繼續以少女形象示人，一啲媽媽味都冇！雖然復工後外貌冇變，但係佢喺內地節目《奔跑吧》嘅演出就強差人意，除咗唔記得遊戲題目，又講錯嘢，搞到畀隊友取笑佢「一孕傻三年」！

節目一開始，Baby逐一同7位隊友攬攬，場面勁溫馨。點知隊員鄭愷竟然質疑Baby係咪生咗個假BB，問佢點解一啲都冇肥到。Baby即刻話同場嘅鄧超同李晨都摸過佢個肚，話自己冇搵代孕咁話！而鄧超同李晨都連聲力撐Baby，仲話Baby佗B嘅時候都係咁瘦，keep住靚咁話！

遊戲第一關，8個組員分成兩隊，玩估大電視。Baby負責做動作，畀三位組員估答案。可惜Baby出師不利，頻頻唔記得題目，對住個螢光幕成分鐘都未數到個題目有幾多個字，睇完轉頭又唔記得。網民竟然話咁樣嘅Baby夠晒可愛，又夠萌。到Baby記得個題目，佢又會一時醒唔起應該點表達，講咗勁耐都諗唔到點講，令鄧超都忍唔住大叫，真係「一孕傻三年」！

去到節目嘅尾聲，Baby終於發威！佢同迪麗熱巴一對一鬥撕名牌，薑果然係老嘅辣（呢度講緊資歷呀），Baby不費吹灰之力就擊敗迪麗熱巴，成為贏家。而7位隊員最係仲逐一攞出自己準備嘅禮物，送畀Baby同小海綿，Baby仲感動到眼濕濕，網民都話畀佢哋嘅友情感動到喊呀！

網民有話兒：

Texxxxxxg： Angelababy 回來啦，好想你哦

Mixxxxxi：胖迪在baby和別人擁抱的時候幫baby撐傘！！！

Qixxxxr：突然好喜歡baby

Eixxxxr：Baby好萌呀！

Raxxxxy：感覺baby越（愈）來越（愈）成熟了，有媽媽的味道