泳兒鍾舒漫許靖韻Cosplay鬥搶鏡

歌手洪卓立（Ken）、鍾舒漫（Sherman）、泳兒及許靖韻出席勁歌金曲優秀選第一回時，分別以食神、小甜甜、黑天鵝及貓女郎造型現身，相當搶鏡。

接受訪問時，Sherman同泳兒都表示用了三個小時化妝，泳兒自爆原本想扮小豬配會得獎歌曲《一隻小豬》，不過被同事阻止了，她笑言：「佢哋話點扮都唔似喎，所以扮隻鵝，同埋睇過套戲同隻歌主題都好相似，都係講人性同社會陰暗面，自己有好鍾意Natalie Portman。」Sherman就搞笑指化了這個大眼，所以全程視線望地下，更被Ken取笑好恐怖，Ken話：「望得佢耐，今晚返屋企發噩夢！」而以食神造型現身的Ken搞笑指考慮會捧住「黯然銷魂飯」上台唱歌。而以貓女造型打扮嘅Angela就搞笑話決定帶皮鞭上台唱歌。