影像被整成藝術品！阿嬌的眼淚值274萬

藝人鍾欣潼（阿嬌）曾為一部名為《0.7%的鹽》的影像作品擔任主角，而由這輯影像再創作的藝術作品分為了8版，近日在北京一個《亞洲現當代藝術》拍賣會上，這套藝術作品中的第4版以30萬元人民幣（約34.3萬港元）成交，若按每版價值人民幣30萬元人民幣去計算，整套作品總價值240萬元人民幣（約274.7萬港元）。想不到阿嬌的眼淚會成為藝術品，價值更高達七位數！這套影像作品長達8分鐘，全程由阿嬌一人演出，影着她由微笑到哭泣的過程。

阿嬌的眼淚有不同意義

藝術家蔣志表示拍攝這個作品是因當時大家對阿嬌公開哭泣賦予不同意義，每人都用自己的眼光去聯想她哭的原因，所以希望透過這個藝術影片去消除大家的成見。而阿嬌的眼淚成為價值240萬元的藝術品，她笑言：「咁我有冇得分？（自己bid番？）係咪慈善㗎？當時好盡力去演。」談到拍攝時由微笑到哭泣，當時心裏面在想些甚麼，阿嬌直言冇諗過任何嘢：「每個人喊嘅方法都唔同，我冇諗，諗咗反而唔識喊！」

霍汶希睇完被感動

至於阿嬌的經理人霍汶希則說：「其實個輯照片我係好深刻印象，嗰套作品我睇完都覺得好心痛，佢喊嗰個樣我睇完都想喊，覺得好感動，同埋成為價240萬嘅藝術品，我覺得真係好驚喜！」

憶被高層強吻感無奈

另外，阿嬌今日出席電影《原諒他77次》的閨蜜分享會，與Twins拍檔蔡卓妍（阿Sa）一起現身。有記者重提兩人喺大陸擔任表演嘉賓時遭高層強吻一事，阿嬌聞言即表示：「唔係呀，得一張（相）之嘛。」而旁邊的阿Sa則不停擰頭，阿嬌再表示：「好無奈㗎！咁你可以點呀？推開佢呀？」

兩姊妹唔會爭男人

另外，Twins又分享愛情觀。問擇偶條件？阿嬌說：「同阿Sa一樣，搵一個我鐘意佢、佢鐘意我嘅人。」她更抵死地笑言不會與蔡卓妍找同一人。