蔡卓妍講擇偶條件:要佢愛我我愛佢!

20170606
東網電視
更多新聞短片
可能大家擇偶條件唔同啦!

藝人蔡卓妍(阿Sa)、鍾欣潼(阿嬌)、衛詩雅、盧巧音及鄭希怡等到灣仔出席英皇電影《原諒他77次》x「閨蜜分享愛」宣傳活動,眾星與一班年青人分享愛情觀,吸引數十Fans撐場,大部分都是少女Fans,一見到Twins即蜂湧上前拍照。

阿Sa笑言起初不清楚要分享甚麼:「以為係同青少年交流吓,原來係講套戲,分享關於愛嘅嘢。(會唔會講番以前啲戀情?)討論吓啫!又唔止講經歷嘅,講吓啲觀點與角度啦!到時睇吓大家問啲咩囉!(依家擇偶條件係點?)最緊要佢愛我我愛佢,呢啲隨緣!(同阿嬌鍾意埋同一個人?)梗係冇啦!從來都冇!」

Twins出新碟

對於方中信與代言品牌的事件,阿Sa表示不知情,講到有相片拍得方中信曾被女士在台上熊抱,阿Sa表示未遇過類似事情:「我哋啲工作人員好保護我哋,有咩事推Mani(經理人霍汶希)出去囉!」問到林峯被傳與吳千語分手,阿Sa說:「你哋唔好成日問啲唔關我哋事嘅嘢啦!真係唔知。」她又透露Twins將於6月22日出碟,今次有七首歌,亦準備演唱會中。