【益男友】歐鎧淳自爆私下常着三點式

20170608
東網電視
更多新聞短片
胡子彤就爽啦!
「香港女飛魚」歐鎧淳及江忞懿等一同出席維港泳記招,去年有參加維港泳活動的歐鎧淳,透露今年亦會參加,並早於二月時已試了航道,她說:「嗰陣係冬天,天氣好凍,又好大風,應該同十月嘅水流有唔同。不過我覺得好正,我游背泳,一路游一路周圍望,望住會展游,背後就係鐘樓。(會唔會叫男朋友胡子彤一齊游?)佢唔識游水,應該話對於我嘅水平嚟講,佢係唔識游水,哈哈!我諗佢應該游唔到1,500米。(平時會唔會同男朋友去沙灘游水? )都會呀,嚟緊夏天都會去沙灘,外地沙灘就應該去唔到,暫時都走唔開去旅行。」平日游泳穿一件頭泳衣的她,被問到私下去沙灘時會不會穿性感比堅尼?她笑說:「都會着三點式㗎,咁平時着咁多一件頭泳衣,而且着三點式會曬得比較均勻啲。(會唔會有人搭訕? )大把人身材好過我啦,使乜同我搭訕?(係咪因為男朋友喺旁邊? )要問番佢,哈哈!」
------------------
東網已全面支援360影片及相片,讓你全方位睇盡新聞大事,恍如置身現場,立即登入東網360網頁: http://on.cc/360/
如仍未更新東網App,請按此連結收睇360影片: https://goo.gl/pPtoq3