【Hot上加Hot】39歲黎淑賢沙灘晒Body

近期天氣熱辣辣閒閒哋都成30度，落一落街都出晒汗，不過去沙灘就唔係咁講，愈好天愈熱就要趁機去曬吓日光浴！不過如果去做嘢，又Enjoy唔Enjoy呢？好似前亞姐黎淑賢（Bonnie）咁，呢日佢就去咗沙灘拍嘢工作，仲換上多套比堅尼，大晒豐滿上圍同纖腰，仲話超爽，但係真係熱到溶咁話！Hot上加Hot呀！

佢喺微博上載多張花絮相，留言：「烈日當空下工作……汗水淋漓，妝容補完，再補髮型，梳完再梳，感覺超爽！但我真的溶化了。」年近40歲嘅Bonnie保養得宜，多年嚟樣貌身材都keep住靚呀！之後佢再上載曬完太陽嘅相，仲見到比堅尼印呀！