鄭善強講無綫發展大計：年尾考慮加人工

無綫總經理鄭善強在將軍澳電視城為「二Ｏ一七年上半年度傑出員工頒獎典禮」頒獎。鄭善強被問到無綫今年的發展大計，他說：「當然係Big Big Channel，myTV SUPER都會繼續發展，最主要係睇同社交媒體有關嘅Big Big channel可以點樣一路發展落去。」

最近劇集《不懂撒嬌的女人》大受歡迎，問到會否製作更多4K拍攝的高質素劇集？他說：「都會嘅，但係要一步一步嚟，因為4K其實未係咁普及，會逐步因應市場嘅發展去拍多啲4K，除咗4K仲有一個技術叫HDR，電視技術進步唔止4K，除咗解像度，顏色深度、準確性都好重要，觀眾要有啲耐性4K同埋HDR相信都要幾年時間先可以普及。」

講到無綫對已經開台的奇妙電視有甚麼對應？鄭善強說：「冇乜特別，我哋一向都話依家做傳媒嘅競爭係嚟自跨媒體，競爭者唔係淨係本行。」員工福利方面會否加人工？他說：「年尾梗係會考慮加人工，冇得加人工係好唔開心嘅事，年中個別人士會有少量調節。」