咁快有夫妻相？心穎BB學足馬明天然呆

成日都話相愛嘅人對得耐，會愈嚟愈似樣，即係俗稱嘅夫妻相！而無綫小花黃心穎早前就同城中「筍盤」馬國明（馬明）傳緋聞，兩人仲發展穩定，唔知係咪因為咁，心穎仲學埋馬明嘅天然呆?！

呢日心穎喺社交網上載短片，片中佢用App扮樹熊賣萌，一時Cute爆眼仔睩睩，一時伸脷，之後仲對住鏡頭發呆，展現天然呆一面，連網友都話即時令人聯想起馬明喎！唔知心穎拍片時又有冇諗起對方呢？心穎留言話：「well it's Friday after work, and I have nowhere to go…」原來係星期五做完嘢冇街去，咦～做咩唔同馬明睇戲呀？佢又tag住「樹熊穎」、「自娛自樂係我強行」，自娛自樂定隔空係馬明帶嚟歡樂呢？