黃翊低潮期賣T恤維生 太太鼓勵度難關

20170610
東網電視
更多新聞短片
黃翊接受訪問時,講出這廿年來的經歷。
早已退出樂壇的歌手黃翊,1986年第五屆新秀出身的他,89年從新藝寶出道一度被譽為「張國榮接班人」,誰料91年憑一曲《最愛的你》上位時,因與同是歌手的黃寶欣拍拖而被唱片公司雪藏,談及當年的任性,黃翊在電台訪問中說:「因為三十年前嘅我對自己太有信心、亦有啲驕傲,完全唔驚同唔妥協,一心以為仲有年多約,雪藏就雪藏囉!」為何不低調處理感情?他說:「我一直低調,但香港好細,嗰時啲雜誌有報料熱線,我喺雜誌有個花名『顏蜥蝪』嘛,好多人報料。
唱片公司同屋企人都有勸我,但嗰時係我人生嘅初戀,好投入,唔係話分(手)就分。」黃翊坦言90年代的樂壇不斷有新人湧現,很快他便被冚過,其他唱片公司也請願培養新人也不會簽他,令其歌唱事業頓時沉寂。
同黃寶欣七年情斷
問黃翊與黃寶欣的關係維持了多久,因何分開,他說:「無記錯嘅話,我哋維持咗大約七年,因相處耐咗,發生好多相處上嘅問題,就會慢慢發現大家唔係咁啱,係因了解而分開。」至於會後悔當年為感情放棄前途的決定,黃翊斬釘截鐵地說:「路係自己揀嘅,從來唔會覺得後悔,世上冇早知呢回事,人生係張白紙,只會愈寫愈多經驗。」
聽盡難聽說話
黃翊約滿後,一直都靠在內地登台賺取生活費,但隨着幕前曝光率減少,機會及歌酬不斷向下調,令他感到心灰沒出路,有幸因登台認識了現任太太,也是前亞視藝員陳存正,鼓勵他積極轉行謀生。但最初由一個幕前人轉行於跳蚤巿場賣T恤,黃翊坦言有不少心理關口要捱過,他說:「始終我做過歌手,最初係好唔舒服好唔習慣,係太太鼓勵我咩都要試,現實歸現實,我哋都要糊口嘛!我好記得最初,隔籬嘅檔主見到我會竊竊私語,仲試過有女客人對我說:『嘩!黃翊幫我燙衫呀!』我太太立即出聲:『佢係幫我燙呀!因為佢賺錢養我哋先真。』有好多難聽嘅說話,最後都習慣咗,亦冇再當自己係位藝人。真係要多謝我太太,佢令我成長好多。」
原動力來自仔仔
黃翊笑言今天轉做大牌檔多年能養妻活兒,抑或是答應無綫現身《流行經典50年》再重新獲得肯定,都是多得太太陳存正的鼓勵,當然,其中一份原動力來自仔仔,他說:「個仔Wesley嘅出生亦係大牌檔嘅開始,所以一定要賺多啲奶粉錢!我為人係寸寸貢的,太太會提點我嘅不是,所以我好多謝太太嘅功勞!」
黃翊相隔20年回歸樂壇,近日重回電視螢幕,因開金口唱出《最愛的你》再度獲得肯定,他承認已答應無綫的邀請,夥拍一眾歌手任八月紅館騷的嘉賓,另外,他披露已獲邀灌錄新歌,讓大家重新認識黃翊。