離巢即大解放　陳潔玲晒線床戰麥子樂

2012港姐陳潔玲（Christy）參選時有「翻版陳妍希」之稱，入行多年一直形象清純，最近離開無綫後即大解放，拍攝電影《私人會所》，片中不少演員都有性感演出及大膽情慾戲，Christy亦有穿內衣騷事業線床戰麥子樂，更有一場自慰戲！Christy接受東網訪問時說：「今次係豁出去，從影以來最大膽演出，不過呢套戲唔係三級片，係IIB，最激嗰場自慰戲係有衫着，只係意識大膽，但比《墮落天使》嘅李嘉欣場戲更激，當時導演同佢太太都在場，始終有個女士喺度方便啲。（有冇同家人交代？）有，父母兄弟姊妹都知，大家關係好，我認為題材寫實，演員唔應該抗拒太多嘢，好在我依家單身，唔使同另一半交代。」