61歲陳美齡出自傳：由我出世開始寫

藝人陳美齡（Agnes）和姐姐陳曦齡等到會展出席「你我的香港」講座。提到Agnes去年和今年4月推出的書本成績很好，她透露正在寫自傳，並計劃於7月書展出：「想寫40章，尋晚寫到26章，仲有好長嘅路，好趕，7月7號截稿，依家得唔得閒都要寫，都幾難，要有趣味性。由出世開始寫，要諗吓寫邊樣，因為已經61年（61歲）。」Agnes坦言享受寫作過程，回想過去就像看電影回帶一樣有笑有淚：「喊嘅係諗起爸爸過身同佢講嘅嘢，笑嘅係諗起細個買汽水打爛咗，諗住實畀人鬧死，隻腳畀玻璃碎插住咗都唔知，結果全家都冇鬧我，算大步檻過。」

未必一定要做公職

這次來港，Agnes會逗留至6月25日，大仔和二仔現於美國，而細仔就在北京做交流生3個月，Agnes指大仔和細仔都很喜歡北京。說到早前考慮擔任公職，她說仍然摸索中：「唔係咁簡單，如果要做都好多問題同顧慮。（屋企人贊唔贊成？）有贊成有反對，不過最後都要自己決定，但唔係咁容易。」她坦言要做決定，但不知限期是何時，又認為做公職有很多方法：「想返香港貢獻都未必一定做公職，好多人畀我好多提議，睇吓邊樣最適合自己同稱任。（做教育工作？）有好多提議，主要係教育，都有其他，好感恩。」

吸二千萬瀏覽

至於早前接受內地網站訪問而在網上引起很大回響，Agnes說：「已經有千幾二千萬人睇過，擺上facebook都有780萬人睇過，令到我有好衝擊嘅認識。（你本書有賣去內地？）有，已經印咗6版。」Agnes透露獲得很多內地電視節目邀請，要用普通話演講：「講小朋友同女性，因為我為女權運動做咗好多嘢。（收入點？）未講到，會去試吓，睇吓自己啲普通話夠唔夠用。家姐都睇咗facebook個訪問，佢叫我練吓普通話。」Agnes自言普通話不算差，但有點不流利和有廣東口音，稍後會找老師練習。