為音樂劇揀小演員　李紫昕勁傷腦筋

擅長唱兒歌的李紫昕（Purple）日前為暑期的愛麗絲夢遊仙境音樂劇舉行小演員大招募，今年參加人數比上年更盛，當日過百位5-15歲的參賽者一早到達會場做好準備，每位參加者雖然只得一分鐘表演環節，但無損他們認真投入演出，有些參加者表演超時也不願落台，Purple說：「有啲小朋友顯得好興奮又緊張，為咗鼓勵佢哋得以發揮水準，我哋喺台下不停為佢哋打氣，喺比賽過程中，參賽者都盡展才藝，有人表演魔術、跳舞等等，喺挑選過程中我都好傷透腦筋。」