【好媽媽】關穎挺大肚陪囡囡玩水

台灣女星關穎與老公朱志威育有囡囡「C.C.」，今年四月宣布懷第二胎，仲暗示佗B仔，成功湊夠好字！有八個月身孕嘅關穎，一早停工安胎，呢日佢趁住生B前，帶埋囡囡玩水嚟個「夏水禮」。關穎喺微博晒相，相中關穎冇份玩水，原來係佢個肚太大唔方便玩水，所以關穎媽媽陪住「C.C.」，佢哋仲玩充氣水上氣球，認真識歎！

另外，關穎亦分享靚靚穿搭照，見佢着上吊帶短裙，孕肚明顯隆起，但手腳依然纖幼，仲面尖尖唔見浮腫，果然得天獨厚！