鄭元暢到哥本哈根玩街拍

台灣男星鄭元暢（小綜）當年同女星林依晨合演嘅劇集《惡作劇之吻》，其「江直樹」嘅一角，至今仍然係大家心目中嘅經典角色呀！呢日小綜就喺社交網上載咗多張嘅個人照，仲留言表示：「平安抵達！自拍與被拍（坤兒的視角）」佢亦都tag咗自己喺丹麥嘅哥本哈根 ，相中就見到小綜大擺唔同嘅甫士，真係chok爆呀，網友仲大讚佢不論自拍定被拍都一樣咁靚仔，果然係大家心目中嘅男神，亦有網友留言話型男配靚景呀!