33D咪神唐紫睿含淚宣布同男友分手

現年29歲、推有33D驕人上圍的藝人唐紫睿（Hazel），去年情人節透過社交網公開戀情，上載咗同任職室內設計師嘅圈外男友Louis「愛的抱抱」合照，又大晒鑽戒同心心蛋糕相，仲獲男友包下電車一齊慶祝情人節，當時她承認與男友已經拍咗拖兩個月，仲對呢個男友讚口不絕。

點知，唐紫睿昨晚喺社交網上載咗一張眼晴流下「淚珠」嘅相片，仲留言話「這個世界上最差的男人，就是分手了，他也一直只說着你的不對，從來沒想過你的付出。」佢仲P.S補充話「我單身了…」正式宣布與Louis的一年半戀情告終，分手收場。不少網民都大嘆可惜，仲叫佢要堅強和振作。