前度與唐寧離婚　彭秀慧發短訊安慰

導演彭秀慧與笑匠許冠文、演員枊俊江等晚上在中環出席紀錄片慈善首映。彭秀慧指平時喜歡看紀錄片，但並非為了找尋拍攝電影的靈感，亦無意執導紀錄片：「我始終最喜歡都係戲劇。」問在籌備甚麼新作？彭秀慧說：「自己想抖吓先，呢排都幾攰，其實都有啲邀請嘅，但係我唔心急，亦唔係好進取嘅人，想諗清楚，沈澱吓先。」

講到前度男友鄧偉傑與唐寧離婚，彭秀慧說：「兩個我都有Sent短訊，大家有對話，人哋需要處理嘅事好多，知道佢哋安好已經OK，佢哋兩個都係識咗好耐，唔算係好好嘅朋友，留番啲空間畀佢哋處理。」

有指當年鄧偉傑與初戀的蘇玉華分手涉及第三者，蘇玉華更上鄧偉傑屋企搗亂，彭秀慧則說：「唔係事實，自己都唔識反應，亦都冇理由將自己嘅嘢攤晒出嚟講，呢啲都係好耐之前嘅事，已經唔重要，佢哋要面對嘅嘢好多，講多句亦幫唔到件事。自己都有少少唔開心，做乜要畀人誤會呢，唔好再講喇，只係會愈描愈黑，總之祝福大家生活過得安好。」