【獨家】陳山聰轉嗒29歲糖妹

監製王心慰的新劇《逆緣》即將開拍，除了之前東網率先爆有黎耀祥、夏文汐及林夏薇（薇薇）擔綱演出外，現時更加入陳山聰、英皇藝人陳家樂及糖妹。劇中，家樂將會與林夏薇飾演一對，反而糖妹會與山聰有感情線。40歲的陳山聰今日接受訪問時才知道自己與29歲的糖妹飾演情侶，問到對方襯他會否過Young、過Cute時，山聰則笑謂：「我依家唔Young咩！OK呀！唔使成日對住黃智雯、姚子羚，我同糖妹、薇薇都好多同場戲，新組合會有多啲火花。其實套劇入面我有好多人未合作過，好似黎耀祥、夏文汐，黎耀祥我恨合作咗好耐㗎嘞！終於有機會！我又可以有好多幻想嘞！（邊方面？）邊方面都好啦！」劇中，山聰亦會跟陳家樂最多對手戲，問到會否帶住對方時，他謙稱謂：「使唔使呀！佢電影好有經驗，大家互相交流，希望有火花。」

返無綫似返屋企

陳家樂接受訪問時坦言自拍《四葉草》後便沒有替無綫拍劇，他指今次有如回家，感覺更如小學生般，相當緊張，他謂：「我都有周圍問啲前輩要注意啲乜，大家都叫我注意休息。」此劇要拍攝三個月，家樂坦言因為想專注一些，故期間不會接外面的工作，亦因為檔期問題，都推掉不少電影。問到是否嫌錢腥時，他笑言：「唔緊要，錢係會搵得番嚟！都係想專注啲拍好個劇！」提到與薇薇做一對，家樂指從未遇過對方，覺得她白淨好靚女，問會否有親熱戲，他謂劇本未寫到，但相信會有。講到對方是人妻，會否怕傳緋聞，他謂：「做嘢啫！」