資深音樂人林慕德為八月演唱會舉行記招，獲妹妹、周啟生、韋綺姍、張崇基、張崇德、王賢誌等藝人撐場，而另一半鄧慧詩就擔任司儀，演唱會部分收益扣除成本後會撥捐東華三院。嘉賓輪流在台上分享感受，韋綺姍表示1986年認識林慕德，覺得對方很勤力，更試過追她唱廣告歌追到去台灣，而張崇基則趁機向林慕德要歌。

剛踏入60歲的林慕德表示由於今年登「六」，與另一半傾有乜嘢好慶祝，故便決定舉行演唱會：「好開心喺香港發展有好多好音樂，多人欣賞，就嚟或唔喺世界上嘅人都可以推廣廣東音樂。（做咩突然咁講？）因為依家我嘅人生已經過咗一半，唔知仲有幾耐，好多音樂界朋友又已經唔喺度，希望演唱會成為我一生人嘅其中一個經典。」講到曾合作的很多好友如羅文、陳百強、梅艷芳、林振強均已先後離世，他表示有一環節會多謝林振強：「因為自己有一半歌都係佢填。」

蘇永康疑出席

問其他原唱者可會出席？他說：「出名個啲唔可以幫人宣傳，但嚟嘅成數都高，佢哋個個口頭上都應承咗。」但問李克勤會否現身演唱會？他謂對方要忙準備自己演唱會，笑言要求下，而譚詠麟亦要視乎公司安排，因涉及商業。問曾因財反目的蘇永康會否出席？他謂：「佢都諗緊，但要徵求老細。」問屆時有何歌星？他賣關子不公布，以神秘嘉賓來形容。

講到有指Hit足30年的檸檬茶廣告歌不是楊楚營唱，而是盧昭明，創作此曲的林慕德表示一定是楊楚營唱：「因為當時佢有啲走音，要將錄音帶較快啲較慢啲剪番落去，所以好深刻印象，除非我失憶記錯，可能盧昭明係唱過其他廣告歌。」