生B有共识　方皓玟入籍日本为老公学日文

歌手方皓玟（Charmaine）、林欣彤及小肥出席活动，早前与日籍模特儿安田慎吾结婚的Charmaine坦言对“人妻”的称呼仍不太习惯，但开心多了一个身份，又透露完成十月的演唱会后，会的起心肝去学日文，他们现时是以英文沟通。问到相处上可有其他困难？她说：“都冇，因为大家都唔系属于劲传统嘅人，谂嘢会free啲，平时食咩、去边度都好随意。”

她又谓需要入籍日本，但不会改日本名：“唔改喇，我个名咁好听，如果喺嗰度生活就要改，但如果留番喺香港生活，我觉得用番自己名好啲。（老公依家住香港？）暂时系，方便见面，工作就要等佢嚟到香港居留权先可以正式做嘢。”她亦指婚后生活上没有太大改变，反而心态上会变得淡定：“依家会追求身体健康，拣啲真系最锺意嘅嘢去做，贵精不贵多，会适合番依家个生活节奏多啲。”

问到可会生小朋友？Charmaine笑说：“十月要开骚，谂都唔敢谂呀，受咗人俸禄，真系要守行为，我不嬲做人都好检点，大家都非常遵守交通规则，所以公司同歌迷都唔使担心，到时我可以载歌载舞嘅。（长期红灯？）唔会长期嘅，大家有共识，始终表演要专业，所以要谨慎啲嘅。”至于可会摆酒？她指今年没有这个打算，因摆酒与签纸结婚不同，需要抽更多时间筹备，她亦不想马虎了事。