【唔好畀佢停】歐陽巧瑩晒出浴照露半股

20170620
東網電視
更多新聞短片
繼唔着Bra支持「解放乳頭運動」後,歐陽巧瑩再晒性感照!
正所謂「好嘢唔好畀佢停」,就好似2013年獲得港姐友誼小姐嘅歐陽巧瑩(Tammy)咁,早前佢就孖住男友林師傑去美國旅行,仲響應「解放乳頭運動」(Free The Nipple),冇着Bra真空上陣影相,性感又唯美,而呢日佢又再晒多咗張性感出浴照!
歐陽巧瑩着上一件頭嘅白色魚網超高衩衫半浸喺浴缸中,側身晒靚股,大騷S形身材,張相影得超有Feel,而呢件衫佢之前都着過挨喺露台影相!佢留言話:「美國返嚟之後,一直都未有停下嚟休息、睇相、執行李嘅時間,雖然好攰,但係我真係好開心好充實,多謝上天對我嘅照顧!多謝身邊愛護我嘅人!多謝自己!?」唔知影咗唔少相嘅佢,會唔會陸續大放送呢?