46歲李蕙敏不放棄試管造人：隨心

歌手李蕙敏（Amanda）到電台宣傳新歌《再度》，講到新歌MV以比堅尼上陣，她笑言下次再突破啲，以「面堅尼」上陣。問老公可知道她穿比堅尼拍MV？Amanda笑言：「知！佢好開心，佢係麻甩仔。（驚你畀人睇蝕？）完全感受唔到佢咁諗，不過佢有講笑咁話，個健身教練係咪gay，可能咁樣會令自己舒服啲。」

去教堂支持老公表演

Amanda又謂老公今晚會在教堂表演，自己會去支持，事前都有與他練歌，大讚老公為表演好認真，有諗過戴假髮，他之前試過以《星戰》黑武士造型表演。問覺得老公歌喉如何？她謂：「OK，佢低音唔錯，以前唱過合唱團。（有機會同佢合唱？）再講啦，我練好啲英文先，或者等佢練好啲廣東話先。」

講到曾嘗試以試管嬰兒方法「造人」，可惜未成功，46歲的Amanda說：「一直都有試。（唔放棄？）冇乜所謂，隨心，有啲嘢唔能夠勉強，係你就係你㗎啦。（畀個限期自己？）冇，都係relax咁試。（之前失敗覺得可惜？）可惜就有，但世事唔能盡如人意。（會試其他方法？）唔好咁辛苦啦，我成日都話做女仔天生都好辛苦。（老公呢方面對你有冇咩要求？）大家都理解，大家諗嘢同步。」